شعر /خالد شويل
تشتي يقع لك ربح وما عندك ضمار
والا تقول مقلب عجب والله عجب
وتقول قلب نعمة وهي كانت دمار
قلت ان هذا شعب حصل غير مطب
فسمع جوابي لك وكن وقع ذكار
وتصيح من دخان وكنا وسط نار
العشب قد جرب , تجرع وإغتلب
جرب 30عام واصل في حصار
من كثر ما صفق رجع مثل الحطب
مسكين يتصروع يدور للريال
من كثر ما اتجرع هاجر واغترب
فارق بلاده خرج منها فرار
لاصاح يامسؤل يكفينا تعب
جاوب عليه اسكت قد فات القطار
وان قال يا مسؤل لي عندك طلب
قال الطلب مرفوض لا تكثر هدار
والبحر واسع اشربه ووقع شنب
خليك ساكت سير بيع خيار
لذلك الشعب شمر لا الركب
في ساحة التغيير اتجمهر وثار
صمم وقرر وبالفاسد قلب
قالوا علي يرحل ولوا طرنا غبار
إن كنت تشتي ربح فالربح أقترب
باقي فقط تحقيق ما جاء في الحوار
كلمات حلوة لكن بصدق اكلنا مقلب
ردحذف