الكرامة نيوز المحويت
الزوملة- شعر شعبي
كلمات / خالد محمد شويل
...............................................................
ابـــداء بحــمد الله خـــلاق الــعبيد
من له جبال الارض خرت ساجده
وبعد يا هـــــــاجس تفضل بالقصيد
بـــبــيــات شـــعــبــيـة قوية ناقده
خاطب بها من دمروا اليمن السعيد
وانـــقــد بــها اهل القلوب الحاقده
من بالزوامل يعصدوا الدنيا عصيد
اتــبــاع فـــارس والــفلول الفاسدة
من ذي زواملهم على مليون تزيــد
فــــي كـــل ساعة والزوامل وافده
زامل وراء زامل نشيد يتبع نشيــد
يــــتـــنــاولــوهـــا وارد الله وارده
الشاب والشيبه مع ابنه والــحــفيد
من صـــبــح ربـي بالزوامل ناشده
يستاهلوا في الزومله رتبة عـــميد
وفـــي الــسياسة مثل فرخة جامده
يا ذي تزومل بالزوامل ما تريد
ليش الزوامل حقكم متزايده
ليش كل يوم تدوا لنا زامل جديد
من يوم لا يوم والزوامل صاعده
قولو لنا بالزوملة ايش المفيد
ايش الفوائد ذي علينا عائدة
ما فائده نضم الزوامل للوعيد
عدوا لنا حتى استفاده واحدة
قد شعبنا نازح وفي الشارع شريد
من يوم زوملتوا عيونه قاهدة
وشاب فينا الشاب والطفل الوليد
صارت بلادي للاسعادة فاقدة
والحرب فوق الشعب تتواقد وقيد
صارت لابناء السعيده حاصدة
من شافنا يبكي ولوا قلبه حديد
يلعن ابوالزامل ويلعن قصائده
يقول ابو ععمران يا كمن عنيد
من زوملتكم ما معانا فائدة
لا زوملتكم رجعت عهد الرشيد
ولا انتجت فينا حكومة راشده
غير زاد فينا الجرح وازداد الصديد
واوضاعنا صارت عليله راكدة
والزوملة فارح بها كمن بليد
هذا يقل زامل وذاك يسانده
يبدء ابوصالح ويختم بوسعيد
وابو علي الحاكم يرد يساعده
من يسمع الزامل وهويرعد رعيد
يقول عيشتنا هنية راغدة
لوما يشوف الحال والواقع بعيد
من دهشته تقرح عليه الزايده
يا هاجسي وجه سؤالي من جديد
لاهل الزوامل قول ايش الفايدة
بالزوملة هل صارت امريكا حصيد
اومنها ماتت خلاص اليهوده
هل بالزوامل صار اوباما فقيد
او بالزوامل قد قطعتوا سواعده
بالزومله كم مات في اسرئيل شهيد
او كم قتلتم بالزوامل سعاودة
هل ينفع الزامل على التنور وقيد
فالشعب يتقهوى بقهوة باردة
والزوملة هل زودت فينا رصيد
قولوا لنا كم قد معانا ارصده ؟؟؟؟؟
